“iPad Air” нь 10.5 инчийн дэлгэцтэй, илүү хурдан “A12” процессортойн дээр хэдэн жилийн өмнө “Apple”-ийн танилцуулж байсан “iPad Pro”-ийг санагдуулам загвартай болжээ. Дэлгэцийн хэмжээ 9.7 инчээс томорч, 10.5 инч болсон байна. Шинэ загварын “iPad” нь “Apple”-ийн “Smart Keyboard”-ийг дэмжих бөгөөд “Apple Pencil”-ийг ч мөн ашиглах боломжтой.

Үүнээс гадна тус компани 2015 оноос хойш анх удаа “iPad Mini”-ийнхээ шинэчлэлийг танилцууллаа. Дэлгэцийн хэмжээг нь 7.9 инчид хэвээр хадгалсан “iPad Mini”-ийн шинэ загварын үнэ 399 ам.доллароос эхлэх бол “iPad Air”-ийг 499 ам.доллароор зах зээлд борлуулах юм байна. Эдгээр шинэ загварууд нь онлайн захиалгаа хэдийн авч эхэлсэн бөгөөд ирэх долоо хоногоос дэлгүүрүүдээр борлуулна гэж тус компани мэдээлжээ.