Өнгөрсөн 2024 оны аравдугаар сард Гэр бүл, хөдөлмөр, нийгмийн хамгааллын яам, Монголын Үйлдвэрчний Эвлэлийн холбоо, Монголын Ажил олгогч, эздийн холбоодын хамтарсан Хөдөлмөр, нийгмийн түншлэлийн үндэсний хорооны хурлаар хөдөлмөрийн хөлсний доод хэмжээг 2025 оны дөрөвдүгээр сарын 1-нээс эхлэн 20 хувиар буюу 792 мянган төгрөг болгож нэмэгдүүлэх шийдвэр гаргасан байдаг.

Өмнө нь хөдөлмөрийн хөлсний доод хэмжээ нь 660 мянган төгрөг байсан билээ. Мөн 2026 оноос хөдөлмөрийн хөлсний доод хэмжээг 1 сая төгрөгт хүргэх талаар санал гаргасан байдаг.