Олон улсын стандартад нийцсэн IBAN дансны дугаарлалт

Монгол Улсад үйл ажиллагаа явуулж буй нийт арилжааны банкнууд 2025.04.01-ний өдрөөс эхлэн олон улсын стандартын дагуу дансны нэгдсэн дугаарлалт буюу IBAN (International Bank Account Number) стандартад шилжиж буй билээ. Монголбанкнаас гаргасан энэхүү шийдвэрийн дагуу арилжааны банкууд IBAN стандарт руу шилжээд байна. IBAN дугаар нь кодлогдсон аюулгүй байдлын түвшинтэй бөгөөд IBAN дугаарыг гүйлгээнд ашигладаг болсноор:

Гадаад төлбөр тооцоог илүү хурдтай хийж гүйцэтгэх боломжтой
Гүйлгээний мэдээлэл зөрж, алдаатай гүйлгээ хийхээс найдвартай хамгаална
Төлбөр цуцлагдах, буцаагдах улмаар гадаад төлбөр тооцоонд эрсдэл учрахаас урьдчилан сэргийлэх зэрэг давуу талтай аж.

Одоогийн байдлаар энгийн дансны дугаар болон IBAN дансны дугаар аль алиныг нь ашиглан гүйлгээ хийж байгаа ч цаашид энгийн дансны дугаарыг ашиглах боломжгүй болох учраас IBAN дансны дугаараа ашиглаж хэвших шаардлагатай.

Хэрэглэгчдийн үндсэн дансны дугаарт өөрчлөлт орохгүйгээр улсын код, хяналтын орон, банкны болон дансны дугаар гэсэн бүтэцтэй нийт 20 оронгийн урттай болж байна.