Түрээсийн орон сууц хөтөлбөр цахим бүртгэлд хэрхэн бүртгүүлэх вэ?

Цахим бүртгэл энэ сарын 22-нд эхэлсэн. Цахим бүртгэлд хамрагдаж байгаа иргэд эхний ээлжинд ямар нэгэн материал бүрдүүлэх шаардлагагүй зөвхөн зааврын дагуу асуулгуудыг бөглөх бөгөөд “Нийслэлийн Зорилтот бүлгийн иргэдийг түрээсийн орон сууцанд хамруулах журам”-ын дагуу шалгарсан иргэдээс нэмэлт материалыг хүлээн авна. Иргэд цахим анкетыг бөглөхдөө өөрийн мэдээллээ үнэн зөвөөр мэдээллэх шаардлагатай бөгөөд худал мэдээлэл өгсөн тохиолдолд хар жагсаалтад бүртгэгдэн сонгон шалгаруулалтад оролцох боломжгүй болох юм.

"Буянт ухаа 2" 976 айлын орон сууц товч танилцуулга:

Иргэдэд түрээсийн орон сууц, түрээслээд өмчлөх боломжтой орон сууц хэлбэрээр хамруулна.

Өрөөны сонголт нь: 68,59М2-3 өрөө, 49,23 М2-2 өрөө, 39,30 М2-1 өрөө гэсэн сонголттой.
Айлын тоо: 18 блок 972 айлын орон сууц Давхрын тоо: 9 давхар 54 айл
Барилгын хийц: Төмөр бетон, бүрэн цутгамал
Байршил: ХУД 10-р хороо
Давуу талууд: Эрүүл агаар, эрүүл хөрс, эрүүл орчин, хотын их дуу чимээнээс хол, авто замын түгжрэлтгүй орчин, бүх үйлчилгээ нэг дор төвлөрсөн, газар хөдлөлтийн 8 баллд тэсвэртэй, суурь нь цутгамал төмөр бетон хавтсан суурьтай, хучилт нь цутгамал төмөр бетон хавтан, бүтээц нь цутгамал төмөр бетон ханатай, нэгдсэн харуул хамгаалалт, 24 цагийн харуул хамгаалалт, камерын системийн хяналттай.

www.nosk.ub.gov.mn сайтаар бүртгэл явагдана

- Түрээсийн орон сууц хөтөлбөртэй холбоотой бүх төрлийн мэдээллийг 1900-1950 мэдээллийн лавлахаас асуугаарай.
- Хайсан бүхнээ асуу. Бид танд 24 цагийн турш мэдээлнэ.