Амралт зугаалгын улирлыг тохиолдуулан Монгол орны үзэсгэлэнт нууруудын талаарх сонирхолтой мэдээллийг онцолж байна. Монголчууд болон гадны жуулчдын сонирхлыг хамгийн ихээр татдаг дараах нууруудад гэр бүл, хамт олноороо аялаарай.

  Архангай аймгийн Тариат сумын нутагт Хоргын тогооны дэргэд байрлах цэнгэг уст нуур. Энэ нуурт 10 гаруй гол цутгадгаас хамгийн том нь Тэрхийн гол юм. Харин ганц гол эх аван гадагш урсдаг бөгөөд тэр нь Суман гол юм. Тэрхүү гол нь цаашлаад 50 орчим километр урсаад Чулуутын голд цутгадаг. Тус нуурыг 2011 онд CNN мэдээллийн төв аялах шилдэг газруудын нэгт багтаажээ. Тэрхийн цагаан нууранд автомашинаар саадгүй хүрч болно.
         
Өгий нуур сум нь Архангай аймгийн зүүн зүгт оршдог  тал хээрийн бүсэд багтдаг. Цэцэрлэг хотоос 100 км, Улаанбаатар хотоос 360 км зайд оршино. Тамирын гол ба Орхон голын уулзвар орчимд байрлах тус сум нь Өгий нуурын нэрээр нэрлэгджээ. Өгий нуур хүрэх зам бартаа, саадгүй учраас ямар ч техникээр очих бүрэн боломжтой.

   Хүйсийн найман нуур нь Арвайхээр хотоос 115 км-т орших ба зам маш бартаатай боловч жуулчид энэ бүсэд ихэвчлэн морь унаж, баруун хойноос нь ирдэг. Хойд талаараа галт уулын чулуулаг тархсан, тал газраар хүрээлэгдсэн байгалийн үзэсгэлэнт газар бөгөөд энэ бүсэд саарал чоно, халиун буга, зэрлэг гахай, тарвага, хэрэм, жирх, чандага, огдой зэрэг амьтад байдаг.