Монгол улсад орчин цагийн Харилцаа холбооны салбар үүсэж хөгжсөний 100 жилийн ойг тохиолдуулан Харилцаа холбооны салбарыг хөгжүүлэх үйлсэд оруулсан хувь нэмрийг өндрөөр үнэлж Монгол Улсын Ерөнхийлөгчийн зарлигаар төрийн дээд "Хөдөлмөрийн хүндэт" одон медалиар 19001950 лавлахын МСА-ны мэргэжилтэн Ж.Нанзад шагнууллаа 


 

 

Ж.Нанзад: Анх 2006 онд ажилд орж байхдаа лавлах утас огт мэддэггүй байлаа. Анхны дуудлагаа авч байхдаа үнэхээр их чичирж сандарч байж билээ. Утасны цаанаас мэдээлэл өгч байгаа ч их сандарна л даа. Ажилд ороод хүмүүсийн асуусан бүхий л асуултын хариултыг хэлж өгөөд, хэрэглэгчдийн БАЯРЛАЛАА гэсэн урмын үгээр өдий 15 жил болтол ажилласан байна. Манайх чинь бүх төрлийн лавлах болохоор бүх төрлийн мэдээ, мэдээлэл мэдлэгтэй байх шаардлагатай болдог.

Ж.Нанзад нь 19001950 лавлахад 2006 онд мэдээллийн ажилтнаар ажлын гараагаа эхлүүлж, мэргэжилтэн, ахлах мэргэжилтнээр тасралтгүй 15 дахь жилдээ ажиллаж байгаа манай тэргүүний ууган ажилтнуудын нэг юм.

 
Ж.Нанзад нь Оны шилдэг ажилтан, ХХЗХ-ны хүндэт жуух бичиг, ХХМТГ-ын тэргүүний ажилтан цол тэмдгүүдээр тус тус шагнагдсан. 





Ж.Нанзад нь мэргэжлийн өндөр түвшинд хурдан шуурхай ажиллан үнэн зөв бодит мэдээллээр хэрэглэгчиддээ ханган, санал гомдолгүй ажиллаж, мэдээллийн сан бааз нэмэгдүүлж баяжуулах зэрэг албан үүрэгт ажлаа хангалттай биелүүлэн ажиллаж, багаар ажиллах болон харилцааны өндөр соёлтой, мэдрэмжтэй ажилтан билээ.



Ж.Нанзад нь багаар ажиллах чадвартай, удирдлагаас өгсөн үүрэг даалгаврыг цаг тухайд нь биелүүлэн ажилладаг, үнэнч шударга, шинэ ажилтнуудад үлгэр дууриалал болохуйц хүнд тусархуу зан чанартай, хамт олондоо нэр хүндтэй, олон нийтийн болон хандив, сайн үйлсийн ажилд идэвхи санаачлагатай оролцдог манай шилдэг боловсон хүчнүүдийн нэг юм.
Цаашдын ажил үйлсэд нь өндөр амжилт, эрүүл энхийг хүсэн ерөөе.



Харилцаа холбоо мэдээллийн технологийн салбарын нийт ажилтан албан хаагчид нартаа Монгол улсад орчин цагийн мэдээлэл харилцаа холбооны салбар үүсч хөгжсөний 100 жилийн ойн баярын мэнд хүргэе!