Монгол улсад орчин цагийн Харилцаа холбооны салбар үүсэж хөгжсөний 100 жилийн ойг тохиолдуулан Харилцаа холбооны салбарыг хөгжүүлэх үйлсэд оруулсан хувь нэмрийг өндрөөр үнэлж Монгол Улсын Ерөнхийлөгчийн зарлигаар төрийн дээд "Хөдөлмөрийн хүндэт" одон медалиар 19001950 лавлахын МҮА-ны мэдээллийн ажилтан Б.Дөрвөннандин шагнууллаа.

 

Б.Дөрвөннандин: 19001950 лавлахдаа 2013.04.04 ний өдөр ороод хэдийнээ 8 жил болсон байна. Хэрэглэгчдээсээ урмын үгээр хөглөгдөж ажиллах урам зориг авч байдагтаа үргэлж баярладаг. Хамгийн их сонсдог талархлын үг гэвэл хэрэглэгч асуултаа асууж дуусаад шууд хариулт хэлэхэд 1900-1950 ямар хурдан хариулдаг юм бэ үнэхээр мундаг юмаа баярлалаа гэдэг. Би гэдэг хүний ард 19001950 нэр явдаг учраас хэрэглэгчдээ үнэн зөв шуурхай мэдээлэл өгч талархал магтаалын үг сонсох нь хамгийн сайхан байдагдаа

Б.Дөрвөннандин нь 2013 оноос эхлэн 19001950 лавлахад Мэдээлэл үйлчилгээний албаны мэдээллийн ажилтнаар тасралтгүй 8 жил ажиллаж байгаа манай шилдэг ажилтнуудын нэг юм.

 
Б.Дөрвөннандин нь МЗХ-ны тэргүүний залуу цол тэмдэг, ХХЗХ-ны баярын бичигээр тус тус шагнагдаж байсан. Багаар ажиллах чадвартай, удирдлагаас өгсөн үүрэг даалгаврыг цаг хугацаанд нь биелүүлэн ажилладаг, үнэнч шударга, шинэ ажилтнуудад үлгэр дууриалал болохуйц хүнд тусархуу зан чанартай, хамт олондоо нэр хүндтэй, олон нийтийн болон хандив сайн үйлсийн ажилд идэвхи санаачлагатай оролцдог. 

Байгууллагын зүгээс явуулж байгаа уралдаан тэмцээн, аянуудад удаа дараа шагналт байруудыг эзэлж, сар бүрийн МУЧТТ шалгалтын дүн тогтмол 90%-с дээш өгдөг тэргүүний ажилтан юм.




  Б.Дөрвөннандингийнхаа цаашдын ажил үйлсэд нь өндөр амжилт, эрүүл энхийг хүсэн ерөөе.



Харилцаа холбоо мэдээллийн технологийн салбарын нийт ажилтан албан хаагчид нартаа Монгол улсад орчин цагийн мэдээлэл харилцаа холбооны салбар үүсч хөгжсөний 100 жилийн ойн баярын мэнд хүргэе!