Монгол Улсын мэдээлэл, харилцаа холбооны салбарт өөрийн өнгө төрх, байр суурийг эзэлсэн үндэсний тэргүүлэгч 1900-1950 мэдээллийн лавлахын 15 жилийн ой энэ онд тохиож байна.  Ойгоо угтаж 1900-1950 мэдээллийн лавлахын хамт олон дотоодын үйл ажиллагаагаа бүрэн автоматжуулж, боловсон хүчнээ мэргэшүүлэх зэрэг олон  төсөл хөтөлбөрүүдийг амжилттай хэрэгжүүлсэн бол өнөөдөр тэд ийнхүү 15 жилийн ойгоо албан ёсоор нээлээ.













15 жилийн ойг угтаж 1900-1950 мэдээллийн лавлах нийт ажилтнуудынхаа дунд “Бүтээлч санаа” аяныг зохион байгуулжээ. Тэгвэл аяны хүрээнд ирсэн бүтээлч санал санаачлагуудаас дэмжигдсэн шилдэг ажилтнуудаа энэ өдөр шагнаж урамшууллаа. Ажилтан албан хаагчдын идэвхи санаачлагыг нэмэгдүүлэх зорилготой “Бүтээлч санаа” аян улирал бүр тогтмол зохион байгуулагдах юм.

 

























1900-1950 лавлахын мэдээллийн ажилтан Б. Баярмаа 

15 жилийн ойн хүрээнд манай лавлах бүтээлч санаа аяныг зохион байгуулсан. Өнөөдөр аяны дүн гарч би 15 санал өгсөн. Тухайлбал, цусны төвд цусаа хандивлая аян, дуудлага бүрийнхээ 10-с 50 төгрөгийг амжиргааны түвшин доогуур болон нэн ядуу өрх толгойлсон эмэгтэйчүүдэд туслая гэсэн санал санаачлагуудыг гаргасан. Энэ саналууд минь дэмжигдэж шагнагдсандаа маш их баяртай байна. 

Нийт албан хаагчид, удирдлагууддаа 15 жилийн ойн баярын мэнд хүргэе. 



1900-1950 Лавлахын Мэдээлэл судалгааны албаны дарга Л.Сарангэрэл 

Энэ онд хэрэгжүүлэх шинэ санаа санаачлагыг удирдлагууддаа дэвшүүлж, миний санаачлагыг дэмжиж шагнал авсан баяртай үйл явдал тохиож байна. 

Нийт хамт олондоо болон 1900-1950 лавлахаар үйлчлүүлдэг үйлчлүүлэгч нартаа 15 жилийн ойн баярын мэнд хүргэе.



Дижитал технологийн эрин зуунтай хөл нийлүүлж 1900-1950 мэдээллийн лавлах өөрийн бүтээгдэхүүн үйлчилгээгээ онлайн хэлбэрт шилжүүлж эхэлсэн. Ингэснээр 1900-1950 мэдээллийн лавлахын нийт хэрэглэгчид өөрийн хүссэн мэдээллээ сайт, мэйл, аппликейшнаар дамжуулан авах боломж бүрдэх юм.  Эхний ээлжинд зарын аппликейшн, Easy такси хөдөлгөөнт аппликэйшнийг үйл ажиллагаандаа нэвтрүүлсэн бол 15 жилийн ойн хүрээнд  эко системд суурилсан цахим үйлчилгээнд бүрэн шилжихээр төлөвлөсөн байна. Ийнхүү хэрэглэгч үйлчлүүлэгчдийнхээ хэрэгцээ шаардлагад нийцсэн цогц үйлчилгээг үйл ажиллагаандаа үргэлж нэвтрүүлдэг үндэсний тэргүүлэгч 1900-1950 мэдээллийн лавлах 15 нас хүрлээ.