Португалын шигшээ баг болон Английн Манчестер Юнайтед клубийн хөл бөмбөгчин Криштиану Роналду Instagram-д 500 сая дагагчтай анхны хүн боллоо.

Тэрээр энэ оны дөрөвдүгээр сард 400 сая дагагчтай мөн анхных нь болж байв. Түүний араас 376 сая дагагчтай хөл бөмбөгчин Лионел Месси, 372 сая дагагчтай жүжигчин Кайли Женнер, 357 сая дагагчтай дуучин Селена Гомез нар бичигдэж байна.

Криштиану Роналду болон Лионел Месси нарын хамт авахуулсан "LouisVuitton"-ы сурталчилгааны зураг Криштиану Роналдугийн Instagram-д 36 сая "like" хүрсэн нь мөн дээд амжилт болоод байв.