Харилцаа холбоо, мэдээллийн технологийн салбарын хамгийн том, нэгдсэн арга хэмжээ “ICT EXPO-2023” нь “Mindgolia” уриан дор Үндэсний Соёл Амралтын Хүрээлэнд 2023 оны 06 дугаар сарын 09.10.11-ний өдрүүдэд зохион байгуулагдана.

Энэ жилийн арга хэмжээний онцлог үйл явдал нь ерөнхий ивээн тэтгэгчээр Google компани, ивээн тэтгэгчээр Naver, Amazon, Upwards, Intersputnik, Huawei зэрэг байгууллагууд оролцож, өөрсдийн албан ёсны төлөөлөгчид нь илтгэл тавьж, хэлэлцүүлэг өрнүүлнэ. 

2023 оны  06 дугаар сарын 08-ны өдөр “ICT FORUM MINDGOLIA 2023” -ын танхим 3-т болох үйл ажиллагаанд оролцон дараах оролцогчид “Кибер аюулгүй байдал ба өгөгдлийг сэргээх стратеги” болон “Байгууллага ба ажилчдын бүтээмжийг ахиулахад технологийн оролцоо” зэрэг салбарын чухал сэдвүүдийн хүрээнд хэлэлцүүлэг өрнүүлнэ.

Энэхүү хэлэлцүүлэг нь харилцаа холбоо, мэдээллийн технологийн салбарын компаниудын олон улсад гарах бизнесийн шинэ боломжийг нэмэгдүүлэх, өргөн цар хүрээ бүхий ач холбогдолтой юм.

Эх сурвалж: Ikon.mn