“Улаанбаатарын өнгө-2019” Хүүхдийн номын анхдугаар уралдаанд “Шидэт сарнай” бүтээлээрээ оролцон ялагчийн цом, дэлхийн 17 хотод болох номын үзэсгэлэнд бүтээлээ оролцуулах эрхийн бичгээр шагнагдсан бяцхан зохиолч Ч.Сүндэрмааг "НОМТОЙ ЗОЧИН" шууд нэвтрүүлэгтэй урьж оролцууллаа.

Дэлхийн 17 хотод зохиогдсон номын үзэсгэлэнгээс Сири Улс Ч.Сүндэрмаа охины бүтээлийг Араб хэлээр орчуулж, хэсэгчилсэн байдлаар хэвлүүлэх хүсэлт тавьжээ. Мөн үлгэрийн баатрууд зурах дуртай тэрээр хэдхэн хоногийн өмнө “Ид шид” нэртэй 48 бүтээлтэй гар зураг, зурагт номын үзэсгэлэнгээ сургууль дээрээ дэлгэж, найз нөхөд, багш нартаа бэлэг барьжээ.

БСШУС-ын сайд Ё.Баатарбилэг бяцхан авьяастан Ч.Сүндэрмаа охинд салбарын шагнал болох “Тэргүүний уншигч-Д.Нацагдорж тэмдэгтэн”-ээр шагнаж урамшуулсан юм.