Зохиолч нарын оюуны хөдөлмөрийг дэмжих, бүтээлүүдийг нь олонд таниулах зорилготой SMARTBOOK ЗОЧНЫ ЦАГ шууд ярилцлага нэвтрүүлэгт Удирдлагын академийн дэд захирал,доктор, профессор Ш.Батсүх эрхэм уригдан оролцлоо.

Ш.Батсүх 10 гаруй ном, 40 гаруй эрдэм шинжилгээний өгүүлэл бичиж нийтлүүлсэн. 2008 оноос хойш "Төрийн захиргаа", " Газрын харилцаа" мэргэжлийн онол арга зүйн хоёр сэтгүүлийг эрхлэн гаргаж, эрхлэгчээр нь ажиллаж байна. Монголын сэтгэл зүйчдийн нийгэмлэгийн тэргүүн. Монгол Хятадын улсын хилийг хоёрдахь удаагаа хамтран шалгах комиссын Монголын хэсгийн дэд даргаар ажиллаж хилийн зурвасын зургийг анх удаагаа тоон аргаар хийх ажлыг зохион байгуулсан. Монгол улсын иргэнд газар өмчлүүлэх түүхэн үйл явцыг анхлан зохион байгуулж удирдан хэрэгжүүлсэн. Сүүлийн 10 гаруй жил Төрийн удирдлага, Сэтгэл судлалаар докторын зэрэг хамгаалуулах зөвлөлийн дарга, орлогч дарга, Улс төр, гүн ухаан, шашин, соёл урлагаар шинжлэх ухааны докторын зэрэг хамгаалуулах зөвлөлийн эрдэмтэн нарийн бичгийн дарга, орлогч даргаар тус тус ажиллаж байна.