Олон Улсын олимпын хорооны анхны тэмцээн буюу орчин цагийн анхны олимп 1896 оны дөрөвдүгээр сарын 6-нд Грекийн нийслэл Афин хотноо эхэлсэн.

Францын язгууртан Пьер де Кубертиний санаачлан 1894 онд байгуулсан ОУОХ нь эртний Грекээс гаралтай олимпыг шинэчлэн зохиосон нь энэ юм.

Зуны анхдугаар олимп есөн хоног үргэлжилж дөрөвдүгээр сарын 15-нд хөшгөө хаасан бөгөөд 14 орны 241 тамирчин оролцжээ.

1772 оны дөрөвдүгээр сарын 6. Сахлын татварыг цуцлав

Оросын хаант улсын сүүлчийн Хатан хаан хоёрдугаар Екатерина 1772 оны дөрөвдүгээр сарын 6-нд эрчүүдийн сахалд татвар ногдуулахыг цуцалсан.

Уг татварыг Оросын эзэн хаан нэгдүгээр Петер 1698 онд тогтоосон бөгөөд Оросын нийгмийн харилцааг баруун Европын жишигт нийцүүлэх зорилготой байжээ.

Сахал тавихыг хориглохын тулд татвар төлөхөөс татгалзсан эрчүүдийн сахлыг олны өмнө хусах эрхийг цагдаа нарт олгож байв.