Байгаль орчноо хамгаалах, эх дэлхийгээ хайрлах зорилготой "Дэлхийн өдөр"-ийг анх 1970 оны дөрөвдүгээр сарын 22-нд тэмдэглэжээ.

1969 онд Сан Франциско хотод болсон UNESCO-ийн хурлын үеэр Жон МакКоннелл дэлхийгээ хайрлаж энх тайвныг эрхэмлэхийн тулд эл өдрийг жил бүр тэмдэглэх санал гаргасан.

Өдгөө энэ өдөр дэлхийн 200 гаруй орны тэрбум гаруй хүн байгаль орчныхоо төлөө үг хэлж, үйл ажиллагаа зохион байгуулдаг.



1915 оны дөрөвдүгээр сарын 22. Дайнд хорт хий ашиглаж эхлэв
Дэлхийн нэгдүгээр дайны үеэр 1915 оны дөрөвдүгээр сарын 22-нд Бельгийн Ипр хотод болсон тулааны үеэр Германы цэргүүд анх удаа хорт хий ашиглажээ.

Энэ нь Германчуудын химийн зэвсэг ашигласан анхны дайралт байсан бөгөөд 150 гаруй тонн хлорын хий цацсан байна.

Түүнээс хойш холбоотны арми тэр дундаа Франц, АНУ химийн зэвсэг хөгжүүлж эхэлжээ.