Видео дуудлагын Skype үйлчилгээ хэдхэн хоногийн өмнө өөрийн ар талаа бүрсийлгэж болгодог горимыг нэмжээ.

Skype-ын уг горим байгаа орчноо нуух, бүдгэрүүлэх хүсэлтэй байгаа хүмүүст зориулагдсан аж.
Жишээлбэл таны өрөө эмх замбараагүй байгаа бол танд энэ горим хэрэг болно.

Skype албан ёсны блогтоо дуудлага хийж байгаа хүний ар хэсгийг бүрсийлгэхийн тулд хиймэл оюун ухаан ашиглаж байгаагаа дурджээ. Тухайн хиймэл оюун ухаан хэрэглэгчийн гар, нүүр царай, үс зэргийг таньж тэдгээрээс бусдыг нь бүрсийлгэдэг гэсэн үг юм.

Одоогоор тус горимыг компьютероос хандаж байгаа хэрэглэгчид ашиглах боломжтой бөгөөд ухаалаг утас, веб зэрэгт хэзээ нэвтрэх нь хараахан тодорхой болоогүй байна. Дараах зааврын дагуу энэхүү горимыг идэвхжүүлээрэй.