Дан цахилгаанаар ажилладаг, энгийн машиныг бодвол ялгаруулах утаа маш бага энэхүү машинуудыг дэлхийн улс орны засгийн газрууд болон байгууллагууд зөвлөж байна. Ихэнхи цахилгаан машинууд нэг цэнэглэлтээрээ ойролцоогоор 200 милл буюу 322 км явах хүчин чадалтай байгаа бөгөөд өдрийн хэрэгцээ болон ажилдаа явахад хангалттай гэж үзэж байгаа юм. Техник технологи хурдацтай хөгжиж байгаа өнөө үед цахилгаан автомашин бүтээгчид хүчин чадлыг ихэсгэж 300 милл болон түүнээс ч илүү явах талаар ажиллаж байна.

Цахилгаан машин нь хүрээлэн буй орчинд хэрхэн нөлөөлөх вэ?

Мэдээж уламжлат машиныг бодвол маш бага утаа ялгаруулах хэдий ч зарим хүмүүс цахилгаан автомашины батерей үйлдвэрлэх нь энгийн тээврийн хэрэгсэл үйлдвэрлэхээс илүү нүүрстөрөгч ялгаруулдаг гэсэн айдастай байна.

Засвар үйлчилгээний зардал

Цахилгаан автомашины анхны өртөг буюу худалдаж авах үнийн хувьд шатахуунаар ажилладаг автомашиныхаас өндөр өртөгтэй байх хандлагатай байдаг. Гэхдээ урсгал зардал нь шатахуунаар ажилладаг машинийх маш их. Ердийн автомашины хувьд хөдөлгүүрийн засвар үйлчилгээ нь хөдөлгүүрийн тос, хөргөх шингэн, дамжуулах шингэн зэрэг энэ бүгдийг өөрчлөхөд багагүй мөнгө зарцуулахад хүргэдэг. Харин цахилгаан тээврийн хэрэгслийн хувьд дотоод шаталтат хөдөлгүүр байхгүй тул ийм зардал гарахгүй. Таньд зөвхөн цахилгаан байхад л хангалттай.