Sony нь 2022 он гэхэд алдартай Discord онлайн чат платформыг PlayStation Network-тэй нэгтгэх болно гэдгээ мэдэгдлээ. Discord-ийг сар бүр 140 сая гаруй тоглогчид голчлон компьютер болон хөдөлгөөнт төхөөрөмж дээр ашигладаг. Тоглоомын мэргэжилтнүүд энэхүү түншлэл нь өөр консол, төхөөрөмж ашигладаг тоглогчидтой илүү хялбар харьцах боломжийг олгоно гэж найдаж байна.

Discord гэж юу вэ?

2015 онд худалдаанд гарсан Discord бол тоглоомчдод видео, аудио дуудлага эсвэл мессежээр чатлах боломжийг олгодог үнэгүй үйлчилгээ юм. Энэ нь Fortnite, Minecraft зэрэг алдартай тоглоомын тоглогчдын дунд нэр хүндтэй болсон.

Discord програмыг Xbox One, Xbox Series S, Xbox Series X дээр ашиглах боломжтой бөгөөд мөн компьютер, ухаалаг гар утаснаас татаж авах боломжтой юм.

"PS5-д энэхүү платформыг нэмж өгснөөр платформ хоорондын олон тоглогчийн өмнө тулгарч буй үндсэн асуудлуудын нэг болох харилцаа холбооны асуудлыг  шийдвэрлэх алхам болно" гэж Төв Ланкаширийн Их Сургуулийн Сэм Конолли хэлээд байгаа юм.