Дижитал юанийн туршилтын цар хүрээг одоо хэрэгжүүлж буй 11 хотоос гадна бусад бүс нутгуудад өргөжүүлнэ гэж БНХАУ-ын Төв банк мэдээллээ.

Туршилт явуулж буй хотууд болон өвлийн Олимп, өвлийн Паралимпын наадам зохиогдсон газруудад дижитал юанийн төлбөр тооцоог ашиглахад зах зээл харьцангуй эерэг хариу үзүүлж байсан аж.

Түүнчлэн дижитал юанийг хэрэглэгчдийн тоо болон гүйлгээний хэмжээ тогтвортой өссөөр байгааг БНХАУ-ын Төв банкны тэргүүн И Ган мэдээллээ.

“Тиймээс цаашид дижитал юанийн хэрэглээг нэмэгдүүлэхийн тулд хамгаалалт аюулгүй байдлыг нэмэгдүүлэх, гэмт хэргээс сэргийлэх чиглэлд анхаарч ажиллахаар төлөвлөж байгаа”-г тэрбээр онцолсон байна.