2022 оны I улиралд “Facebook”-ийн идэвхтэй хэрэглэгчдийн тоо 1.96 тэрбум болж, нэмэгдсэнээр шинжээчдийн таамгийг давлаа.

Үүний дараа “Meta” компанийн хувьцааны ханш 19 хувь давж өсөөд байна. Тайлант хугацаанд тус компанийн орлого 6.6 хувиар өсөж, 27.9 тэрбум ам.доллар болжээ. Түүнчлэн "Украины нөхцөл байдал хурцдаагүй байсан бол орлого нь үүнээс ч илүү өсөх байсан" гэж “Meta” компани онцолж байна.
Хөрөнгө оруулагчдын дунд “Facebook”-ийн сурталчилгааны орлого буурна гэсэн хүлээлт бий болоод байгаа юм. Энэ он гарсаар тус компанийн хувьцааны ханш ойролцоогоор 50 хувиар унаад байгаа аж.



Г.Хулан