Европын Холбоо бүх төрлийн ухаалаг гар утас, таблетуудад илүү өргөн хэрэглэгддэг “USB-C” оролт ашиглах төлөвлөгөөг орон нутгийн түвшинд баталлаа.

Ингэснээр “Apple” компани ухаалаг гар утас, таблет зэрэг бүтээгдэхүүнүүддээ “USB-C” оролт ашиглах шаардлагатай болохоор байна. Шинэ журамд чихэвч, видео тоглоомын консол зэрэг 15 нэр төрлийн бүтээгдэхүүнийг хамааруулж байгаа аж. 2024 оны намраас энэхүү журам хэрэгжиж эхэлснээр хэрэглэгчид жил бүр 267 сая ам.доллар хэмнэнэ гэж Европын комисс мэдээлсэн байна.

Дээрх төлөвлөгөөнд Европын Парламент болон Европын Холбооны 27 гишүүн улс гарын үсэг зурснаар баталгаажих юм.



О.Цэнгэг