Энэ долоо хоногт Apple уламжлал ёсоор iPad-ийн энгийн болон Pro хувилбарыг шинэчиллээ. 
https://www.youtube.com/watch?v=yUKRkPKg5_U

 

Энэхүү шинэчлэгдсэн энгийн iPad 10.9 инчийн Liquid Retina технологийн дэлгэцтэй болсон нь том дэвшил байв. Мөн өмнөх загварт байсан home товч, чихэвчний оролтыг халж нүүрний камерыг дээр биш хажуу талдаа гаргаж, USB-C оролттой болжээ. Touch ID-г харин бусад хувилбарын адилаар power товчин дээр байрлуулсан байна. Холболтын хувьд Wi-Fi 6 болон 5G сүлжээг дэмжих гэнэ.

 

iPhone 12-ийн адилаар A14 загварын чиптэй бөгөөд 2019 оны энгийн iPad-с гурав дахин өндөр хүчин чадалтай болжээ. Харин камерын хувьд нүүрэн талдаа хэт өргөн 12 мегапиксел, ар талдаа 4К дүрс бичлэг хийх боломжтой 12 мегапиксел камертай болж шинэчлэгдсэн байна.

 

Эхлэх үнэ нь 449 ам.доллар байх бөгөөд цэнхэр, ягаан, шар, мөнгөлөг гэсэн дөрвөн өнгөний сонголттой.

 

Үзэмжийн хувьд өмнөх жилийн iPad Pro-с өөрчлөгдөөгүй. Харин чип нь Apple-ийн одоогоор компьютерт зориулсан хамгийн хүчирхэг чип болох M2 болж сайжирчээ. Үүний ачаар хүчин чадал нь өмнөх загвараасаа 15 хувиар нэмэгдсэн байна.

 

iPad Pro-г Pen буюу үзэгтэй ашигладаг хүмүүст сонирхуулахад шинээр hover нэртэй функц нэмэгджээ. Ингэснээр үзгээ дэлгэцэд хүргэхээс өмнө хаана, ямар зураас гарахыг урьдчилан харж болох юм.

 

Эхлэх үнэ нь 11 инч загвар нь 799 ам.доллар, 12.9 инч загвар нь 1099 ам.доллар байх бөгөөд урьдын адилаар саарал, мөнгөлөг гэсэн хоёр өнгөний сонголттой байх гэнэ.

Эх сурвалж: Apple