2015 онд Apple Watch-ийг зах зээлд гаргаснаас хойш технологийн цоо шинэ шийдэл дэлгээгүй Apple компани бодит болон виртуал ертөнцийг хослуулах чадвартай анхны чихэвчийг танилцууллаа.  Ирэх намар худалдаанд гарах Vision Pro AR чихэвч нь харагдах байдлаараа цасны шилтэй төстэй, 23 сая пиксел бүхий хоёр дэлгэцтэй. Apple-ийн зүгээс "Орон зайн компьютер" гэж тодотгож буйн учир нь M2 чипийн зэрэгцээ R1 хэмээх шинэ процессорын тусламжтайгаар виртуал орчныг бодитойгоор мэдрүүлэх аж.  Хэрэглэгч чихэвч зүүх үед нүдний өмнө програмын дүрс бүхий талбар харагдана. Төхөөрөмжийг сонгох эсвэл гүйлгэхийн тулд нүдний харц, гар дохио ашиглан удирдана.

“Vision Pro-ийн тусламжтайгаар та дэлгэцээр хязгаарлагдахаа болино. Дижитал контентыг бидний эргэн тойрон дахь орон зайн тооцоололтой танилцуулах болно " хэмээн Apple-ийн гүйцэтгэх захирал Тим Күүк өгүүллээ.  "Apple Vision Pro зөвхөн таны нүд, гар, дуу хоолойд тулгуурладаг. Та зүгээр л системийг харахад хангалттай. Сонгохын тулд хуруугаа товшиж, хөнгөхөн гүйлгэхэд хангалттай. Vision Pro-г зүүж байхдаа бодит ертөнцийг ч тод харж мэдэрч чадах тул өөрийн орон зайгаас алсрахгүй. Хийх ажлын жагсаалт болон тэмдэглэлээ хянаж, юм бичиж байхдаа ч хөгжим тоглуулж болно" гэж Apple-ын дэд ерөнхийлөгч Алан Дай хэллээ. Үнийн хувьд 3,499 доллараар худалдаанд гарах юм.

Даваа гарагт болсон Apple компанийн хөгжүүлэгчдийн чуулган дээр Vision Pro AR чихэвчээс гадна 15 инч дэлгэцтэй MacBook Air зөөврийн компьютер, M2 Ultra шинэ процессороор тоноглогдсон Mac Studio, Mac Pro ширээний компьютерууд болон iOS үйлдлийн системийн шинэ хувилбаруудаа танилцууллаа. 

Эх сурвалж: Eagle.mn