Оюуны өмч,улсын бүртгэлийн ерөнхий газраас “1900-1950”мэдээллийн лавлахын ажилтнуудад шаталсан сургалт явуулж байна. Ингэснээр иргэний гэр бүлийн байдлын бүртгэл, иргэний үнэмлэх болон гадаад паспорт шинээр захиалах, сунгуулах шилжилт хөдөлгөөн зэрэг иргэний бүртгэлтэй холбоотой бүх төрлийн нэгдсэн мэдээллийг 1900-1950 лавлахаас авах боломжтой болж байна.

1900-1950” МЭДЭЭЛЛИЙН ЛАВЛАХЫН АЖИЛТНУУД ИРГЭНИЙ БҮРТГЭЛ,БИЧИГ БАРИМТ БҮРДҮҮЛЭЛТИЙН ЦОГЦ СУРГАЛТАНД ХАМРАГДАЖ БАЙНА.

Үндэсний тэргүүлэгч 1900-1950 мэдээллийн лавлахаас хэрэглэгчид иргэний бүртгэлтэй холбоотой асуултуудыг буюу шинээр төрсөн хүүхдийн төрсний бүртгэлийг хэрхэн хаанаас авах вэ? Цахим үнэмлэх шинээр авах, сунгалт хийлгэх тухай, Гэр бүл батлуулах болон цуцлахад ямар материал бүрдүүлэх, хаана хандах, Гадаад паспорт шинээр авах болон хэрхэн сунгалт хийлгэх вэ? зэрэг асуултуудыг түгээмэл асуудаг. Тиймээс Үндэсний тэргүүлэгч 1900-1950 мэдээллийн лавлах, Оюуны өмч, Улсын бүртгэлийн ерөнхий газартай хамтран нийт ажилтанууддаа  иргэний бүртгэл болон бичиг баримтын бүрдүүлэлттэй холбоотой нэгдсэн ойлголт өгөх шат дараалсан сургалтыг явуулж эхэллээ.