Энэ оны зам засварын ажил өнөөдрөөс /2025.04.02/ эхэллээ. Энэ онд нийслэлийн хэмжээнд 36 байршилд 74 км авто замыг засч, шинэчлэхээр төлөвлөжээ.

---

Энэ онд нийслэлийн 36 байршилд зам засварын ажил хийхээр төлөвлөсөн байгаагаас 26 байршлын зам засварын ажил нь өнгөрсөн онд дуусгаагүй ажил үргэлжлэх аж. Харин шинээр  10 байршилд шинэ замууд тавихаар болсон байна. Зам засварын ажил өнөөдөр /2024.04.02/ Зүүн дөрвөн замаас 25 дугаар эмийн сан хүртэлх зам засварын ажлаар эхэлсэн байна.

Уг ажлын хүрээнд замын хажуугийн авто машины карма зогсоолуудыг хаах, хашлага болон нүхэн эвдрэлийн засварлах ажээ.

Хэсэгчилсэн асфальт хучилтын ажил энэ сарын 25-аас эхлэх юм байна. Энэ жил нийслэлийн гол гудамж, замуудыг засварлахаар төлөвлөсөн. Тухайлбал, Чингисийн өргөн чөлөө, Энхтайваны өргөн чөлөө зэрэг олон жилийн насжилттай гол гудамж, замуудыг засна. Зам хаах мэдээллийг тухай бүрд иргэдэд хүргэнэ гэж албаныхан мэдээлэв.

Мөн энэ онд 1978 оноос хойш их засвар хийгээгүй Найрамдлын зам, 2008 оноос хойш их засвар хийгээгүй Энхтайваны өргөн чөлөөний замыг бүрэн шинэчлэхээр болжээ. Энхтайваны өргөн чөлөөний нийт 8,9 км авто зам болон Найрамдлын 16 км замын засварыг долоодугаар сарын 10-аас өмнө хийж дуусгах аж.