Харшлаас хэрхэн урьдчилан сэргийлэх талаар Арьсны өвчин судлалын үндэсний төвийн захирал, клиникийн профессор, тэргүүлэх зэргийн эмч Ц.Уранчимэг мэдээлэл өглөө.

Ургамлын тоосны харшил гэж юу вэ?

Лууль, шарилж, өлөн тоос шороо болон бусад ямар нэгэн ургамлаас үүсэж, хамрын салст бүрхэвч нь гадны хүчин зүйлийн сэдэлтийг маш соргогоор хүлээн авч хариу урвал гарч байгаа үзэгдлийг ургамлын харшил гэж үзнэ. 

Ямар шинж тэмдэг илрэх вэ?

• Нүд орчим загатнах
• Арьс хуурайших
• Бэлцрүүт тууралт гарах
• Салт хавагнах
• Хүндрэл анафилаксийн шок

Ургамлын тоосны харшилтай тохиолдолд анхаарах зүйлс: 

• Машин болон гэртээ агаар чийгшүүлэгч хэрэглэх
• Хувийн хамгаалах хэрэгсэл маск,нүдний шил, малгай тогтмол өмсөх
• Борооны дараа гадуур явахгүй, гэртээ байж хаалга цонхоо хаах. Цонхоо онгойлгосон үедээ нойтон марлаар хаалт хийх эсвэл шүүлтүүртэй тор хийх
• Даавуун дэр дэрлэх. Будаа, самар, буурцаг өдөн дэр тохиромжгүй.
• Ургамлын тоосны харшилтай тохиолдолд дараах хоол хүнсний хэрэглэхийг хориглоно.

Үүнд:

Бүлээн цэвэр ус тогтмол уух. Хийжүүлсэн ундаа, ногоо жимсний шүүс уухаас аль болох татгалзах
Алим, лийр, чавга, тоор зэрэг модонд ургадаг жимс
Айраг, гүүний саам уухгүй байхыг зөвлөдөг. Мөн ургамлын харшлын сорилыг 10-11 сард өгвөл илүү үр дүнтэй байдаг.
Харшлаас урьдчилан сэргийлэх боломж:

Харшлын эсрэг эмийн эмчилгээ хийлгэх
Ургамлын тоосны харшлын улирал эхлэхээс өмнө эмчилгээгээ хийлгэснээр харшил хөнгөн хөдлөх давуу тал болдог
Ургамлын тоосжилтын хуанлигаар долоо, наймдугаар сард шарилжны тоосжилтын хугацаа болон оргил үе таардаг. Иймд эдгээр саруудад 04:00-11:00, 17:00-20:00 цагийн хооронд салхивчаа онгойлгохгүй байх хэрэгтэй.