19001950 мэдээллийн лавлахын дуудлагын нилээдгүй хувийг иргэдийн албан байгууллагын хаяг байршил асуусан лавлагаа эзэлдэг. Мөн Улаанбаатар хотын хаанаас ч такси дуудлагын төвөөр үйлчлүүлэхээр залгаж буй иргэдэд түргэн шуурхай үйлчилгээгээ хүргэхийн тулд тус лавлахын мэдээллийн ажилтнуудад хотын хаяг байршлын талаар дэлгэрэнгүй мэдлэгтэй байх шаардлага тулгардаг. Бид ажилтнуудынхаа хаяг байршлын ерөнхий мэдлэгийг нэмэгдүүлэх зорилгоор жилд 2 удаа “Сity tour”-автобустай аяллыг зохион байгуулдаг бөгөөд 2019 оны эхний “City tour” арга хэмжээг 2019 оны 05 сарын 25-ны бямба гарагт амжилттай зохион байгуулж Хан-Уул, Сонгинохайрхан болон Баянгол дүүргийн нутаг дэвсгэр дэх гудамж, замууд, тухайн дүүрэгт байрлах томоохон албан байгууллага, объектуудтай биечлэн танилцлаа.