1900-1950 лавлах нь 7 хоногийн 24 цагийн турш төрийн байгууллагуудын хаяг байршил, утасны дугаар, цагийн хуваарь, үйл ажиллагаа, засгийн газраас гаргасан тушаал шийдвэр, бичиг баримт бүрдүүлэлт зэрэг мэдээллүүдийг иргэдэд хүргэн ажилладаг. Баталгаат эх сурвалжаас үнэн бодит мэдээллийг хүргэн ажиллах нөхцөл шаардлагад тулгуурлан засгийн газрын бүтэц, үйл ажиллагаа, төрийн байгууллагын зохицуулалт хэрхэн явагддаг талаар өөрсдийн биеэр судалж танилцлаа.

Иргэд олон нийт та бүхэн дараах цагийн хуваарийн дагуу Төрийн ордонтой танилцах боломжтой.
Хүсэлт гаргахдаа: УИХ-ын үйл ажиллагаа болон Төрийн ордонтой танилцах тухай хүсэлтийг УИХ-ын гишүүнээс гадна МУ-ын иргэн, хуулийн этгээд, гадаад улсын зочин төлөөлөгчид гаргаж болох бөгөөд энэ тухайгаа УИХ-ын тамгын газрын олон нийттэй харилцах албанд 3-с доошгүй хоногийн өмнө бичгээр хүргүүлнэ.
Мягмар, Лхагва, Пүрэв, Баасан гаригуудад 09.00, 09.20, 09.40, 10.00, 10.20, 10.40, 11.00, 11.20, 11.40, 12.00, 13.40, 14.00, 14.20, 14.40, 15.00, 15.20, 15.40, 16.00, 16.20, 16.40 цагуудад
Үргэлжлэх хугацаа: 20 минут.