19001950 мэдээллийн лавлахын хамт олон ажилтнуудынхаа эерэг харилцаа,багаар ажиллах чадварыг дэмжих, хамт олны уур амьсгалыг улам бүр бэхжүүлэх зорилгоор "Алтан намар өдөрлөг-2026" арга хэмжээг зохион байгууллаа.Өдөрлөгийн үеэр ажилтнууд баг болон хуваагдаж, авхаалж самбаа, хурд хүч, эв нэгдэл шаардсан хөгжөөнт тэмцээн, уралдаануудад идэвхтэй оролцлоо. Өрсөлдөөн бүрийн цаана нэгнээ дэмжсэн уухай, хамтын оролцоо, инээд хөөр үргэлжилж, өдөрлөгийг эрч хүчтэй, дурсамжтай мөчүүдээр дүүргэв.


Намрын налгар өдрийг хөгжилтэй тоглоом, сонирхолтой өрсөлдөөн, халуун дулаан яриа, дурсамжтай агшнуудаар өнгөрүүлсэн 19001950 мэдээллийн лавлахын хамт олон шинэ эрч хүч, эерэг уур амьсгалтайгаар ажлын өдрүүдээ үргэлжлүүлж байна.




Хамтдаа ажиллахын үнэ цэнэ зөвхөн ажлын үр дүнгээр бус, хамтдаа бүтээсэн дурсамж, харилцан итгэлцэл, нэг баг гэдгээ мэдрэх тэр мөчүүдээр хэмжигддэг. “Алтан намар өдөрлөг-2026” үүний нэгэн тод жишээ боллоо.