Монгол Улсын мэдээлэл, харилцаа, холбооны салбарт өөрсдийн гэсэн өнгө төрх, байр сууриа аль хэдийн эзэлсэн Үндэсний тэргүүлэгч 1900-1950 мэдээллийн лавлахын 14 жилийн ой тохиож байна. 14 жилийнхээ ойг тохиолдуулан тус лавлахын хамт олон өнгөрсөн он жилүүдийнхээ түүхэн замналыг дурсаж, ололт амжилтаа бататган дүгнэхийн зэрэгцээ цаашдын хөгжил, чиг хандлагыг  тодорхойлж, хамт олонч уур амьсгал бүрдүүлсэн  “19001950 Talk” баярын арга хэмжээг өнөөдөр зохион байгууллаа.

























Мэдээллийн шилдэг 1900-1950 лавлах 14 жилийн хугацаанд салбартаа шинийг санаачлагч, манлайлагч нь байсаар ирсэн төдийгүй байгууллагынхаа гол цөм болох ажилтан нэг бүрийнхээ авьяас чадварыг хөгжүүлж, хүний нөөцийн цогц системийг үйл ажиллагаандаа нэвтрүүлсээр иржээ. Энэ ч үүднээс баярын арга хэмжээний   үеэр тасралтгүй хөгжиж, шинийг эрэлхийлж, үйлчлүүлэгчдээ хурдан шуурхай мэдээллээр хангах үүрэг хүлээсэн, 1900-1950 лавлахынхаа ажил үйлсээрээ манлайлан ажилласан тэргүүний ажилчдаа шагнаж урамшуулсан юмаа.










Түүнчлэн үндэсний тэргүүлэгч  19001950 мэдээллийн лавлахын хамт олны 14 жилийн ойн баярын хуралд Залуучуудын хөгжлийн Полиси төвөөс “Ажилтан ба эерэг хандлага”  сэдвээр лекц тавьж,  хэрхэн үр дүнтэй сэтгэл ханамжтай ажиллах талаар хэлэлцүүлэг өрнүүлсэн бол 19001950 лавлахын ажилтан Г.Лхагвадулам нь Филиппин улсад англи хэл хэрхэн сурсан талаараа лекц тавьснаар ойн баяраа оюундаа хөрөнгө оруулалт хийж, шинийг танин мэдэж, бүтээлчээр тэмдэглэн өнгөрүүллээ.



19001950 мэдээллийн лавлах нь өөрсдийн боловсон хүчнийхээ ажлын ур чадварыг нэмэгдүүлж, чадавхжуулах чиглэлээр шат дараалсан төсөл хөтөлбөрүүдийг хэрэгжүүлдэг бөгөөд үүний нэг нь ажилчдынхаа дунд ажлын байран дахь англи хэлний мэдлэгийг дээшлүүлэх зорилгоор англи хэлний цогц сургалтыг тогтмол явуулдаг юм. Энэ ч үүднээс  өнөөдрийн баярын арга хэмжээний үеэр англи хэлний шат дараалсан дотоод сургалтуудыг амжилттай төгссөн тус лавлахын Мэргэжилтэн Б.Бадмаараг,  О.Шүр-Эрдэнэ нарт Филиппин улсын англи хэлний сургуульд суралцах Батламжийг гардуулсан юм. 







Ийнхүү монгол улсын мэдээлэл,харилцаа холбооны салбарт 14 жилийн турш өөрийн өнгө төрхийг бий болгож, харилцагчдынхаа итгэлийг хүлээсэн  Үндэсний тэргүүлэгч 1900-1950” мэдээллийн лавлахын нийт 200 гаруй мэдээллийн ажилтнууд 24 цагийн туршид нийслэл болон орон нутаг, цаашлаад дэлхийн өнцөг булан бүрт бодит мэдээллийг өргөн цар хүрээтэйгээр түгээж байгаа тус хамт олонд 14 жилийн ойн баярын мэнд хүргэе.