1900-1950 мэдээллийн лавлахын 15 жилийн ой энэ онд тохиож байна. Ойн хүрээнд 1900-1950 мэдээллийн лавлах олон төсөл хөтөлбөрүүд амжилттай хэрэгжүүлсний нэг нь “Англи хэлтэй монгол залуус” төсөл юм. 2019 оноос хэрэгжүүлж эхэлсэн тус төслийн хүрээнд 1900-1950 мэдээллийн лавлахын ажилтнууд филиппин улсын англи хэлний томоохон сургуулиудад суралцсан юм. Масс академитай хамтран хэрэгжүүлсэн “Англи хэлтэй монгол залуус” төсөлд одоогийн байдлаар тус лавлахын 20 гаруй ажилтан хамрагджээ. Тэгвэл “Англи хэлтэй монгол залуус”төслийн эхний группт хамрагдаж Филиппин улсад амжилттай суралцсан ажилтнууд эх орондоо ирж сурсан мэдсэнээ бусадтайгаа хуваалцлаа. 

























Тэд бол Англи хэлтэй монгол залуус төсөлд хамрагдаж Филиппин улсад суралцаад ирсэн 1900-1950 мэдээллийн лавлахын ажилтнууд. 6 сарын хугацаатай Филиппин улсад суралцсан тэдний англи хэлний мэдлэг 4-5 түвшин нэмэгджээ. Тэд англи хэл суралцангаа филиппин улсад байрлах call center-үүдийн үйл ажиллагаатай танилцаж, туршлага судлаад ирсэн байна.



1900-1950 мэдээллийн лавлахын удирдлагууд “Англи хэлтэй монгол залуус” төслийг үргэлжлүүлж энэ онд байгууллагынхаа 50 ажилтанг төсөлд хамруулахаар төлөвлөжээ. Тэдний нэг бол 1900-1950 мэдээллийн лавлахын мэргэжилтэн А.Мөнх юм. Дотоодын англи хэлний сургалтанд амжилттай суралцаж төгссөн тэрээр ийнхүү Филиппин улсад суралцах батламжаа гардан авлаа.



Байгууллагын үнэт зүйл нь болсон хүний нөөцийн бодлогоо ур чадвартай мэргэшсэн боловсон хүчин гэж тодорхойлсон 1900-1950 мэдээллийн лавлах 15 жилийн ойдоо зориулж “Англи хэлтэй монгол залуус” төслийг үргэлжлүүлсээр байна.


 

Эрхэм хэрэглэгч харилцагч та бүхэндээ 15 жилийн ойн баярын мэнд хүргэе. 
"Үндэсний тэргүүлэгч 19001950 мэдээллийн лавлах"