19001950 мэдээллийн лавлах 2018 оны жилийн эцсийн тайлангийн хурлаа 2018 оны 12-р сарын 22-нд зохион байгууллаа. Уг хуралд нийт удирдлагууд, албаны дарга нар оролцсон бөгөөд 2018 онд хийсэн ажлаа тайлагнан дүгнэж, ирэх 2019 ондоо хийх ажлын төлөвлөгөөгөө гаргалаа.

19001950 мэдээллийн лавлах нь "СМАРТ ЛАВЛАХ" болох зорилго тавин ажиллаж байгаа бөгөөд 2018 онд зарим үйлчилгээнүүдээ смарт үйлчилгээнд шилжүүлсэн билээ. Тухайлбал: "Такси дуудлагын нэгдсэн төв" нь хөдөлгөөнт төхөөрөмжинд зориулсан такси аппликэйшнд шилжиж, "19001950 ZAR" зарын аппликэйшнээ хэрэглээнд нэвтрүүлээд байна.

Ирэх 2019 онд байгууллагын дотоод  "ERP" системийг нэвтрүүлэхээр шийдвэрлэлээ.

ERP систем нэвтэрснээр:

• Байгууллагын дотоод үйл ажиллагааг оновчтой төлөвлөх, автоматжуулах
• Уламжлалт цаасан суурьт үйл ажиллагааг халж, дижитал систем шилжих
• Байгууллагын дотоод уялдаа холбоо сайжирч, нэгдсэн мэдээллийн системтэй болох
• Ажилчдын ажлын бүтээмжийг дээшлэх, ажилчдын дунд нээлттэй уур амьсгал бий болох зэрэг олон давуу талуудтай юм.